തിരുവനന്തപുരം: സിഎംആര്‍എല്‍-എക്സാലോജിക് സാമ്പത്തിക ഇടപാടില്‍ പ്രതിപക്ഷനേതാവ് പിണറായി വിജയനെതിരെ കേസെടുക്കുമെന്ന് മുഖ്യമന്ത്രി വി ഡി സതിശന്‍. പിണറായി വിജയന് എതിരേ ഉടന്‍ എഫ്ഐആര് രജിസ്റ്റര്‍ ചെയ്യുമെന്നും മന്ത്രിസഭായോഗത്തിന് ശേഷമുള്ള വാര്‍ത്താസമ്മേളനത്തില്‍ മുഖ്യമന്ത്രി പറഞ്ഞു. പിണറായി വിജയനെതിരെ കേസെടുക്കണമെന്ന ഹൈക്കോടതി വിധി സര്‍ക്കാരിന് തിരിച്ചടി അല്ല. സര്‍ക്കാര്‍ അനാവശ്യ ധൃതിയോ വ്യക്തിപരമായ വിരോധമോ കാണിച്ചില്ല. സര്‍ക്കാര്‍ നിയമോപദേശം തേടി. എഫ്ഐആര് രജിസ്റ്റര്‍ ചെയ്യുംമുമ്പ് പരിശോധിക്കണമെന്നാണ് നിയമോപദേശം ലഭിച്ചതെന്നും അദ്ദേഹം പറഞ്ഞു.
സിഎംആര്‍എല്‍-എക്സാലോജിക് കേസില്‍ അന്വേഷണത്തിനായി സര്‍ക്കാര്‍ രൂപികരിച്ച പ്രത്യേക അന്വേഷണ സംഘം (എസ്‌ഐടി) റദ്ദാക്കിക്കൊണ്ടാണ് ഹൈക്കോടതി പിണറായി വിജയനെതിരേ കേസെടുക്കാന്‍ ഉത്തരവിട്ടത്. ഇഡി നല്‍കിയ റിപ്പോര്‍ട്ടിന്മേല്‍ എഫ്ഐആര് രജിസ്റ്റര്‍ ചെയ്യാതെ, അന്വേഷണത്തിനായി കേസ് പ്രത്യേക അന്വേഷണ സംഘത്തിന് കൈമാറിയ സംസ്ഥാന സര്‍ക്കാരിന്റെ നടപടി നിയമവിരുദ്ധമാണെന്ന് ചൂണ്ടിക്കാട്ടിയാണ് നടപടി. എഫ്ഐആര് രജിസ്റ്റര്‍ ചെയ്ത് അന്വേഷണം നടത്തണമെന്ന് വിജിലന്‍സ് ഡയറക്ടര്‍ക്ക് ഹൈക്കോടതി ഉത്തരവിട്ടിട്ടുണ്ട്.
Views Today : 17
Total views : 44010