പ്രീ സ്കൂളിന്റെ തുറന്നു കിടന്ന കതകിലൂടെ റോഡിലേക്ക് ഇറങ്ങിയ രണ്ടര വയസ്സ് വയസ്സുകാരൻ അപകടത്തിൽ നിന്നും രക്ഷപ്പെട്ടത് തലനാരിഴക്ക്.

ആലുവ എടയപ്പുറം റോഡിൽ ഇന്ന് രാവിലെ 10.30 യോടെസംഭവം ഉണ്ടായത്
തോട്ടു മുഖത്തുനിന്നും എടയപ്പുറത്തേക്ക് പോകുന്ന തിരക്കേറിയ റോഡിലാണ് സംഭവമുണ്ടായത്. റോഡരികിലെ നഴ്സറിയിൽ നിന്നും കുട്ടി റോഡിലേക്ക് ഓടിയത് ഈ സമയം അതിലെ വരികയായിരുന്ന ചരക്ക് ലോറി ഡ്രൈവറുടെ ശ്രദ്ധയിൽ പെട്ടു .

കുട്ടിയെ കണ്ടു വണ്ടി നിർത്തി വണ്ടിയിലുണ്ടായിരുന്ന വർ കുട്ടിയെ സുരക്ഷിതമാക്കിയ ശേഷം ഫോൺ അടിച്ച് ആളെ കൂട്ടി. ഈ സമയവും സ്കൂളധികൃതർ സംഭവം അറിഞ്ഞിരുന്നില്ല. പെയ്ൻ്റിങ്ങ് നടന്നിരുന്നതിനാലാണ് ഗേറ്റ് തുറന്ന് കിടന്നതെന്നാണ് അധികൃതർ പറയുന്നത്.